كلمات بسيطة عادت بي الماضي الجميل فأحببت أن تشاركوني في العودة … 

ألا ليت الزمن يرجع ورى ولا الليالي تـدور           ويرجع وقتنا الأول وننعم فـي بساطتنـا

زمان أول أحس إنه  زمانٍ فيه صـدق شعـور          نحب ونخلص النية وتجمعنـا محبتنـا

زمن ما فيه لا غيبـه  ولا حتـى نفـاق وزور          يا ليته بس لو يرجع ونسترجـع طفولتنـا

صغار قلوبنا بيضاء نعيـش بعالـمٍ محصـور             ولا نعرف أبد أغراب ما غير عيال حارتنا

صحيح صغار في التفكير لكن ما علينـا قصـور       نخطط نكسر اللعبة وتسعدنـا شقاوتنـا

نروح المدرسة بدري ونضحك داخل الطابـور          نحاول نزعج العالم في روحتنـا وجيتنـا

وعشان نأخر الحصة نخبي علبـة الطبشـور           نشاغب بـس في الآخـر تميزنـا براءتنا

نحب الضحك والهيصة نحب ننط فوق السـور          نفرفش ليه ما نفرفش مدام الضحك عادتنا

ولكن دارت الأيام وبـان الخافـي المستـور              وصار الهم متعلي علـى قمـة سعادتنـا

كبرنا وصارت الدنيا تصف أحزاننـا بالـدور             وتهدينا الألم والهم  غصب عن عين رغبتنا

تعبنا من بلاوينا أحد ضايـق وأحـد مقهـور              وكـلٍ غـارق بهمـه و في الآخـر تشتتنـا

وأنا ما أقول غير إلا يا ليت إن الزمـان يـدور           ويرجع للورى فتره نـعّدل وضـع عيشتنـا